وسائل التواصل الاجتماعي

دُّور يا حمار دُّور.. دُّور يا حمار دُّور.. دُّور يا حمار دُّور.. دُّور يا حمار دُّور.. دُّور يا حمار دُّور.. دُّور يا حمار دُّور.. دُّور يا حمار دُّور.. نهار الزريبة كاتدخل لهاد الريزو، وهي لور لور.. ما نكدبش عليكم، شي مرات كاتكون الزريبة واعرة هكا، وياه شاد فيها هاد الويفي.. كاتخليو المعصرة كاتدور بوحدها، كاتخدموها بالضو، وأنا كانمشي نرتاح.. ولكن في الأغلبية ديال الوقت، أنا ما غاديش ندير.. هاد الوسائل، كي كاتسميوهم؟ ريزو سوسيو.. وسائل التواصل الاجتماعي.. جاو زعما باش يديرو التواصل الاجتماعي ولكن تيديرو هما العكس، تيديرو كلشي، إلا التواصل الاجتماعي.. تيجيو هنايا فوسط الزريبة تيفرحونا.. تا فاش كانبغيو نتعاونو باش ندوروا هاد المعصرة هادي تيفسدوا الشغل وتيصيفطوا شي وحدين فحالهم.. عرفتو فين تيصيفطوهم؟ عرفتو فين تيصيفطوهم ولا ما عرفتوش؟ شكون؟ كاين اللي مولف تيجي لهاد الزريبة هادي وتيحل فمو باش يدوي، حيت المعصرة باش تدور ما تيدورهاش الحمار بوحدو.. هاد الحمارة هادي حاشاكم هي كتخرا .. كاتزهز داك التيليفون وكاتصور فينا زعما حنايا بهايم فوسط هاد الزريبة، ولكن ما بين البهايم، كاينين اللي كيفكرو.. اللي تيمشي من هنايا تيصيفطوه للكرنة.. عنداكم اليوم تصفقوا ولا تدويو بالجهد.. علينا ندويو بيناتنا هنايا حدا هاد المعصرة هادي.. ونسمعوا الصوت ديالها.. ولكن قبل، خرجوا لينا هاد الحمارة هادي.. اللي كاتصور فينا وكاتكركر، تكرْف في البهايم فوسط هاد الزريبة هادي، خرجي يا الحمارة، خرجي يقولوها ليها.. خرجي يا الحمارة، خرجي خرجي يا الحمارة، خرجي. خرجي يا الحمارة، خرجي.. اليوم تجمعنا في الزريبة عند هاد المعصرة هادي باش ندويو على هاد الوسائل هادي ديال التواصل الاجتماعي زعما.. كاينين بزاف ديال الحوايج، فهاد الزريبة هادي اللي جامعاكم وجامعاكم.. واللي خلات هاد الوسائل يديرو شي بلبلة من نوع اخر.. بدا العام بحتاجات، كملات على الاحتجاجات فيضانات، وبزاف ديال الحوايج هنايا كيفاش تيوصلونا.. تيوصلونا غير فدوك الوسائل.. شكون اللي قال ليك فعلا بلي كان هاداك الفيضان تما؟ اليوم كانسمعوا بواحد التيكنولوجيا جديدة اللي كاتعرفوها، شنو سميتها؟ ، اللي كاتقدر تخليك أي حاجة هنايا، تكون بحالا كاينا ولكن هي وهمية، هي ما كايناش.. هذا علاش اليوم تجمعنا، فوسط الزريبة هادي باش ندوروا هاد المعصرة، مجموعين.. هذا علاش بغيتكم تسمعوا مزيان لبعضياتكم اليوم.. هاد المعصرة هادي فيها الميكرو.. تاء الويفي جابوه اليوم، ولا تكونيكتي.. الزريبة ولا تيسمع فيها كلشي، ولكن اللي زوين فيها، هو أنه كلاب الكرنة ولاو ما تيزعموش يديرو كلشي.. فايت ليا كنت كانكون هاز معايا شي سلعة وكانكون أنايا غادي، وأنا والحمارة ديالي، ديك مسخوطة الوالدين، عزيز عليا هاداكشي، ولكن الله يعمرها دار، عزيز عليا.. حيت تنستغلو بعضياتنا في اطارات مختلفة.. تاديرو بحالا ما عندكمش الجنس في الزريبة ديالكم، علاش؟ خليونا نرجعوا ندوروا هاد الزريبة هادي، وهاد المعصرة.. تانكون غادي شي مرة، أنا والحمارة ديالي، ومكسيري في الطريق، تيشدونا كلاب الكرنة، اش تندير؟ كانضور.. معاهم.. ولكن من نهار ولا هادشي هذا، ما بقاش كلشي كلاب الكرنة تيزعمو يديرو شي حوايج بحال هكا.. ولا بنادم تيرجع للور، وتيلعبها بالفن، وتيقول ليك: "أجي معايا، أسي محمد للطوموبيل".. أشنو نخدمو الخدمة بالفن ، ولكن كيما كان الحال، تينقصوا علينا الرشوة، تينقصوا بزاف ديال الحوايج، ولكن اليوم اللي بغينا ندويو عليه، هو العلاقات ديالنا، كيفاش كايتطوروا، ولا كيفاش تيتفرشخو فوسط هاد الزريبة هادي، كيفاش كانشتافوا عليهم فوسط هاد الوسائل هادو.. كاين الزين، وكاين الخيب.. اليوم الزريبة كي ديما مقسومة على جوج.. الشمس، الناس اللي تايقولوا لينا بلي هادوك الوسائل الاستغلال ديالهم مسؤول عليه شكون هي؟ الدولة.. الدولة هادو ناس ديال القمر، صحاب الليل، والطاسة، والتكيفات، الله يعفو على الجميع، أنا ما تانظلمكمش، ولكن باقي تقدروا تبدلوا البلاصة.. صحاب الشمس، تايقول ليك: "الدولة ما ليها والو في هادشي".. كاينين تا هادوك المواقع الالكترونية، لاشني؟ الاباحية، اليوم اللي ما زعمتو تتقولوها، هي قولها، الحمار بلاصتكم، ما تخافوش، باقي غانقلع حوايج، ونشوفو شي حوايج، ما نخرجوش من هاد الزريبة، راه رمضان.. راه رمضان.. شدنا عليكم غير رمضان، يا مسخوط الوالدين، هاد الزريبة راه ما كانلبسو فيها الحوايج، ماشي باش نوريو هاداكشي اللي على بالكم.. نريو دماغنا باش نسمعوا للأفكار ديال بعضياتنا، هادا علاش حنا مجموعين هنايا.. اللي تايقول بلي هاد المواقع مسؤولة عليهم الدولة، وبلي هي مسخوطة الوالدين، هي اللي دايرة لينا هاد المشاكل كاملة.. يمشيو.. لهنا.. يمشيو للقمر، بالليل، الناس تيدافعوا على المواطن، تيدافعوا على الفرد، تيدافعوا على الناس اللي كايشطحوا، الناس اللي كايبغيو يرسموا، الناس اللي كايقولو بلي.. هاداكشي اللي.. تايجمعنا، حنا ما مسؤولينش عليه.. حنا الحقوق ديالنا كانعرفوهم، الواجبات ديالنا كانعرفوهم، واللي مسؤول عليه هي الدولة.. واللي تايقول بلي الدولة ما ليها والو، وبلي خصنا اليوم.. نعطيو المسؤولية، لهاداك الفرد، يجيوا لينا للشمس.. يطلعوا للصباح، ويعيشوا مع الفروج، الصباح بكري، وينعسوا مع الدجاج، ويعيشوا لينا هاد الذكور هنايا.. شكون اللي بغا ينوض يمشي ليه؟ وشكون اللي بغا ينوض، يمشي ليه؟ ما كانحكمو هنايا على بعضياتنا، حيت حنا فهاد الزريبة هادي، غير.. ما تخافوا، ما تعشوه، تا باقي ما غانشوفو المشهد الأول، والثاني، باقي تقدروا تبدلوا البلايص، باقي تقدروا تمشيو.. وتمشيو ليه.. شكون اللي باغي يزعم؟ وجاي هاد التستيف جابتو لهاد السبيكتكل هادا، وريح هنايا، ولكن تايقول هو بلي.. الدولة.. هي اللي مسؤولة، يمشي يجمع شطيط، الله يرحم الوالدين، ونعم الفلسفة تبارك الله على الناس.. نوض، نوض، نوض، نوض، لا حشمة لا حيا، ما كاين، علاش نبداو تانكذبوا على بعضياتنا، حتى واحد ما عايب.. ودني ها هما قداش، نعي باش نسمعكم اليوم.. الناس اللي تايقولو، بلي هاد الزريبة هادي، مسؤول عليها الفرد، يجمع قلوعو.. وسير دابا، اللي كايجي معايا، وتايتبعني، العقلية ديال التابعية.. وفينا هما الخرفان؟ نوض، نوض، نوض.. اللي تايقول بلي، الفرد، هو اللي مسؤول.. على راسو، يجي لينا.. شوفو الناس، هاد الودنين هادو، اليوم غادين نعطيوهم ليكم، باش نسمعو لبعضياتكم.. ولكن قبل.. كلا واحد، فين عندو المعصرة ديالو، هادنا معاهم في دماغ.. هاد المعصرة هادي.. دورها.. إلا كنتي بغيتي تدورها، هو دابا، نوض جمع قشوشك، وبدل البلاصة.. وإلا كنتي كاتقول بلي الفرد، ما ليه والو بلي الدولة اللي مسؤولة، خليكم، جالسين.. هنايا.. إلا كاتقولو بلي الدولة، ما ليها والو، والفرد، هو اللي مسخوط الوالدين، هو اللي داير هادشي كلو.. تفوتوا على الناس، بلا ما تشاركون.. اللي تايقول بلي الفرد.. وخصو، هاد الحيوان، ولا كاين الحيوان، ولا كاين الحيوان.. أنا راه تايجيني الحمار، تايعبر على المغربي، كتر من السبع.. هاد القضية هادي، باقي ندويو عليها ولكن، ماشي اليوم.. حيت اليوم حنايا.. شادتين، الريزو.. أخير فرصة اللي باغي ينوض يبدل قلوعو.. ولا اللي باغي يدير فحال شي ناس ويجلس الوسط.. على سبه.. ما لا هنا لا هنا.. هادوك كايعرفو كلاب القرنة، ما عليش.. غادي نعيط ليكم للفروج، يطلع هاد الشمس هادي.. وشوفوا اليوم هاد المعصرة هادي كيفاش با دور.. قولوا ليهم: "دُّور يا حمار، دُّور، دُّور يا حمار، دُّور.."