الفصام الاجتماعي

من ديما و أنا كاندور و دنيا كادور حنا كاندورو على الشمس و القمر يدور علينا و دماغي كايدور و كولشي كايدور. بغيتيني ندور دابا قولها ليا ( ارتجال مع الجمهور) بغيتيني ندور دابا قالها ليا و أنا ندور ماكاينش المشكل حمار الطاحونة في خدمتكم ندور ولا ماندور اش قلتو ؟ ولاكن ندور هاكا ولا هاكا ( على ليمن و لا ليسر)

على ليمن بطابيعت الحال على ليمن نتبع قوال الدين نتبع القانون مقدسات الدولة و نديرو الحلال( ارتجال مع الجمهور ) الصراحة لا ندور على ليسر، على ليسر بنادم هو لي يعيش الحرية ديالو و يتهلا فراسو يحسن وجهو و يخرج بليل و يعيش السعادة و نعيشو التحضر و التفتح (ارتجال مع الجمهور) هادا علاش اليوما قلت هادي نجمع البهايم فالزريبة حيت خاصنا ندويو على فين هانعطيو راسنا . واش شي واحد فيكم هنا عارف فين هانعطيو راسنا؟